Tíðindi
Endurvinning og skapan fyri eldri 67+
Eigur tú okkurt gamalt plagg ella onkran gamlan lut, sum tú ikki nýtir meira? Hví ikki enduskapa plaggið ella lutin, ístaðin fyri at keypa nýtt?
Hesum hevur tú møguleika fyri á nýggja og áhugaverda skeiðnum, sum er partur av skránni í Stranda kvøldskúla í vetur.
Kvøldskúlaskeiðið kallast ”Endurvinning og skapan fyri eldri 67+”, og tað er á fyrsta sinni, at hetta skapandi og burðardygga skeið fer av bakkastokki í kvøldskúlanum á Strondum.
Á skeiðnum verður klipt, seymað og límað. Á henda hátt verður blást lív í aftur gomul pløgg og gamlar lutir, sum eru í góðum standi, men bert treingja til eina kæra hond.
Ljóðar hetta tiltalandi, og eigur tú skapandi evni, sum fegin vilja sleppa fram í ljósið, er hetta skeiðið fyri teg.
Kára Rasmussen er undirvísari á skeiðnum, sum verður fríggjadagar frá kl. 15.00 til 17.00.
Tilmelding fer fram hjá skeiðshaldaranum á tlf. 447540/223833.