Tíðindi
Kommunustýrisfundur 14.06.2021
Kommunustýrisfundur 14.06.2021
Møtt: Artur Johansen, Jóannes E. Markná, Steingrím Jacobsen, Rógvi R. Djurhuus, Hans Anders Jacobsen,
Súni F. Olsen og Andras Róin
Umframt:
Tummas Johannesen (Tummas fór av fundinum kl. 18:15)
Skrivari: Anna E. Joensen
Klokkan: 17:00-19:45
Mál nr.: 321-3-2021 – lyfta í skúlanum
Reist av: Sjóvar kommunu
Málslýsing: Lyfta í skúlanum
Avgerð: Málið verður lagt í Tøkni- og býarskipanarnevndina til viðgerð.
Jóannes luttók ikki í viðgerðini av máli nr. 328-12-2020
Mál nr.: 328-12-2020 – umsókn um betri hølisviðurskifti
Reist av: Stranda Ítróttarfelag
Málslýsing: Trivnaðarnevndin mælir til, at leigusáttmáli verður gjørdur við St.Í.F um tvey høli á loftinum í bygdahúsinum
Avgerð: Samtykt at taka undir við tilmælinum frá Trivnaðar- og Mentanarnevndini og leiga tvey høli á loftinum í bygdahúsinum til St.Í.F.
Mál nr.: 103-3-2021 - barnatannrøktin
Reist av: Sjóvar kommunu
Málslýsing: Fíggjarnevndin mælir til, at uppskotið til sáttmála við Sp/f Tannfegin verður samtykt.
Avgerð: Samtykt at taka undir uppskotinum til sáttmála um barna- og ungdómstannrøkt.
Mál nr.: 104-8-2021 – umsókn um at selja matr. 79ar
Reist av: Byggiráð
Málslýsing: Umsókn um loyvi at selja matr. nr. 79ar til annað felag.
Avgerð: Samtykt at halda okkum til galdandi samtykt og ikki ganga umsóknini á møti.
Mál nr.: 104-7-2021 – umsókn um eykajáttan
Reist av: Roðanum
Málslýsing: Onnur viðgerð.
Avgerð: Eykajáttan samtykt við aðru viðgerð.
Mál nr.: 104-1-2021 – stempulskipan til Lítlafløtt
Reist av: Sjóvar kommunu
Málslýsing: Trivnaðar- og mentanarnevdin, og fíggjarnevndin mæla til at tikið verður av tilboði upp á stempulskipan.
Avgerð: Samtykt at fylgja tilmælinum frá fíggjarnevndini og keypa stempulskipan til Lítlafløtt.
Mál nr.: 103-8-2021 – skrivstovufólk til umsitingina
Reist av: Sjóvar kommunu
Málslýsing: Fíggjarnevndin mælir til, at søkt verður eftir skrivstovufólki til kommunuskrivstovuna.
Avgerð: Samtykt at søkja eftir skrivstovufólki til kommunuskrivstovuna.
Mál nr.: 104-10-2019 - musikkskúlaskipanin
Reist av: Sjóvar kommunu
Málslýsing: Mælt verður til at søkja eftir samskipara til Stranda musikkskúla.
Avgerð: Samtykt at fylgja tilmælinum frá Trivnaðar- og mentanarnevndini og søkja eftir samskipara til Stranda musikkskúla.
Mál nr.: 541-20-2020 – byggisamtykt fyri Sjóvar kommunu
Reist av: Sjóvar kommunu
Málslýsing: Broyting í almennu byggisamtyktini fyri Sjóvar kommunu
Avgerð:
· Leggja afturat B5 økinum til framtíðar sethúsabygging.
· Taka burturav B5 øki við Hálsatjørn og leggja tað til J-øki.
· Matr. nr. 230b Innan Glyvur verður broytt frá B (sethúsabygging) til K-øki (landbúnaður).
Uppskot frá Rógva R. Djurhuus: Vinnuøkið Innan Glyvur er alt ov stórt, og biður um at broyta part av C-økinum, niðan fyri Urðarvegin, til B9-øki.
Atkvøðugreiðsla um uppskotið frá Rógva: ein atkvøða fyri, seks ímóti. Rógvi atkvøddi fyri, Artur, Jóannes, Hans Anders, Andras, Steingrím og Súni atkvøddu ímóti.
Broyting í almennu byggisamtyktini fyri Sjóvar kommunu samtykt.
Mál nr.: 645-1-2019
Reist av: Sjóvar kommunu
Málslýsing: Havnaøkið á Hulki
Avgerð: Samtykt at fylgja tilmælinum frá arbeiðstakara og leggja betong og armering (20 cm við 8 mm við tveimum løgum av armering) hetta ger, at játtast mugu kr. 370.000 afturat til arbeiðið. Málið verður lagt fyri fíggjarnevndina til viðgerðar.
Mál nr. 103-7-2021
Reist av: Sjóvar kommunu
Málslýsing: Vaskifólk til Stráluneystið
Avgerð: Fimm umsóknir komu inn. Samtykt at taka undir við tilmælinum frá Trivnaðar- og mentanarnevndini og seta ein av umsøkjarunum.
Artur luttók ikki í viðgerðini av máli nr. 103-6-2021
Mál nr. 103-6-2021
Reist av: Sjóvar kommunu
Málslýsing: Søkt verður eftir arbeiðsfólki
Avgerð: Fýra umsóknir komu inn. Samtykt at fylgja tilmælinum frá Trivnaðar- og mentanarnevndini og seta tveir av umsøkjarunum.