Tíðindi
Kommunustýrisfundur 31.08.2020
Kommunustýrisfundur 31.08.2020
Møtt: Artur Johansen, Lisa Frederiksberg, Steingrím Jacobsen, Anfinn Gærdum, Jákup Berthelsen, Súni F. Olsen og Pole J. Hansen
Skrivari: Anna E. Joensen
Klokkan: 17:00-19:00
Mál nr.: 104-9-2019
Reist av: Sjóvar kommunu
Málslýsing: Gamla missiónshúsið
Avgerð:
Nýtt uppskot frá Lisu: Útseta málið til næsta kommunustýri hevur tikið við, grundað á, at hetta kommunustýrið ikki skal gera eykajáttanir uppá milliónir krónur.
Atkvøðugreiðsla: Tvær atkvøður fyri. Lisa og Anfinn
Fimm atkvøður ímóti: Artur, Steingrím, Jákup, Súni og Pole
Uppskotið fallið.
Atkvøðugreiðsla um tvey uppskot
Uppskot: ikki taka húsið niður.
Atkvøðugreiðsla: Tríggjar atkvøður fyri. Lisa, Steingrím og Anfinn.
Fýra atkvøður ímóti. Artur, Jákup, Súni og Pole.
Uppskotið fallið.
Uppskot: taka húsið niður og gera av- og ásetingarstað til skúlan:
Atkvøðugreiðsla: Fýra fyri. Artur, Jákup, Súni og Pole
Tríggjar atkvøður ímóti. Lisa, Steingrím og Anfinn.
Samtykt er sostatt, at húsið skal takast niður, og av- og ásetingarstað til skúlan skal gerast á økinum.
Viðmerking frá Artur: Verkætlan og fígging av verkætlanini má fyriliggja, áðrenn arbeiðið kann setast í gongd. Hetta verður gjørt sum skjótast.
Viðmerking frá Lisu, Steingrími og Anfinni: Vit eru ikki ímóti, at av- og ásetingarpláss verður gjørt til skúlan. Hetta eigur tó ikki at viðføra niðurtøku av gamla missiónshúsinum. Vit hava víst á aðrar skilagóðar loysnir.
Mál nr.: 421-10-2020
Reist av: Líggjas Blábjørg
Málslýsing: Umsókn um at keypa afturat grundstykkinum
Avgerð: Kommunustýrið heldur tað er óheppi at selja so nógv av miðstaðarøkinum. Málið verður lagt aftur til teknisku nevnd at arbeiða víðari við.
Mál nr.: 541-9-2020
Reist av: Øssur Højgaard
Málslýsing: Parkering við Gerðavegin
Avgerð: Samtykt ikki at játta umsóknini.
Mál nr.: 541-11-2020
Reist av: Sjóvar kommunu
Málslýsing: Broyting í byggisamtykt á Fríðufløtum
Avgerð: Samtykt at serstaka byggisamtyktin fyri Fríðufløtur verður broytt fyri stykkini oman fyri vegin. Byggifeltið verður víðkað soleiðis, at vinkulin á 45 gradir ikki verður galdandi.
Mál nr.: 544-5-2019
Reist av: Pól Frits Høj
Málslýsing: Vatn til seyðahús á Morskranesi
Avgerð: Tekniska nevnd hevur lagt um broyting í byggisamtyktini fyri kommunustýrið.
Lisa bað um at fáa málið um vatn til húsið fyri kommunustýrið. Hetta var einmælt játtað.
Kommunustýrið leggur málið fyri vinnunevndina til viðgerð.
Mál nr.: 542-43-2020
Reist av: Marius Joensen
Málslýsing: Umsókn um frávik í byggisamtyktini
Avgerð: Samtykt at fylgja tilmælinum frá teknisku nevnd og geva frávik í byggisamtyktini.
Mál nr.: 17/00132
Reist av: Jóhan H. Funn
Málslýsing: Umsókn um at stoypa garð – frávik í byggisamtyktini
Avgerð: Samtykt at fylgja tilmælinum frá teknisku nevnd og geva frávik í byggisamtyktini.
Mál nr.: 541-8-2020
Reist av: Sjóvar kommunu
Málslýsing: Útstykking í Kolbeinagjógv
Avgerð: Samtykt at fylgja tilmælinum frá teknisku nevnd og fíggjarnevnd um at nýggj útstykking verður gjørd til fyribils tvey grundstykki í Kolbeinagjógv. Víst verður til RS-635.
Mál nr.: 651-1-2020
Reist av: Sjóvar kommunu
Málslýsing: Skifta køliskipanir í egningarmiðstøð
Avgerð: Samtykt at fylgja tilmælinum frá vinnunevnd og fíggjarnevnd um at skifta køliskipanir í egningarmiðstøðini. Samlaði kostnaðurin verður uml. kr. 335.300 uttan MVG. Peningurin verður tikin av RS-760.