Í morgin, mikudagin 3. juni, er ein gongutúrur niðan á Halgafelstind á skránni á Útivikuni 2020.

Farið verður frá viðarlundini á Selatrað kl. 17.00 og mett verður at túrurin tekur uml. 5 tímar.

Gongutúrurin er ein miðaltungur túrur, har gingið verður við rímilligari ferð. Lendið er valla og grýtut, men annars er gott at ganga. Allar seinasti teinurin, uppá sjálvan tindin, er eitt sindur illgongdur og avbjóðandi. Um ein ikki ynskir at ganga seinasta teinin, ber til at bíða, ímeðan hini fara upp á tindin.

Finnleif Mortensen verður ferðaleiðari á túrinum.

Havi egnan matpakka og okkurt at drekka við.

Vit síggjast.