Leygardagin, á flaggdegnum, skipaðu nakrir borgarar fyri einum pakkaspæli á Strondum.

60 pakkar vóru goymdir runt í bygdini, sum luttakandi børn skuldu finna.

Spælið byrjaði við, at børnini fingu eitt flagg útflýggjað á ávísum møtistøðum í bygdini kl. 14.00. Síðani varð farið í gongd við pakkaveiðuna.

Myndir vóru lagdar út á facebook av 60 ymiskum støðum, og á hvørjum staði varð síðani ein pakki goymdur.

Tá allir pakkarnir vóru funnir, vóru fløggini sett omanfyri Sjóvarlon, har "Sjá tú blánar" og aðrir felagssangir vórðu sungnir.

Hóast einki flaggdagshald varð fyriskipað í ár, kunnu vit frøast um hetta hugnaliga og stuttliga átakið, sum fekk góða undirtøku.

Niðanfyri er myndir av nøkrum fittum børnum, sum luttóku í pakkaspælinum.