Nógv hava spurt um, hvussu verður við dagstovnagjaldinum nú mest sum alt landið liggur lamið.

Kommunustýrið hevði roknað við, at Kommunufelagið meldaði út eina felags støðu viðv. gjaldinum, men enn er eingin fráboðan komin.

Kommunustýrið heldur ikki at bíðast kann meira eftir Kommunufelagnum, og hevur tí á fundi í gjár samtykt, at einki gjald verður kravt fyri barnaansing so leingi serligu tiltøkini í samband við Covid-19 standa við.

Samtyktin er galdandi til 13. apríl. Um nýggj boð koma um tiltøk í samband við Covid-19, verður málið tikið uppaftur.