Sjóvar kommuna hevur keypt nýggjan arbeiðsbil, og í dag kom nýggi bilurin til Strendur.

Nýggi arbeiðsbilurin hevur kavaplógv og saltspreiðara. Við nýggja akfarinum eigur Sjóvar kommuna nú tveir bilar við slíkari útgerð. Í framtíðini kann kommunan sostatt veita skjótari tænastu, tá tað kemur til at rudda og salta kommunalar vegir. 

Nýggi bilurin er av slagnum Nissa Navara. Bilurin hevur 190HK, automatisk gear og er keyptur frá Auto Service P/F.