Tíðindi
Kommunustýrisfundur 30.04.2018
Møtt: Artur, Lisa, Pole, Steingrím, Súni og Jákup. Anfinn kom á fundin kl. 17:30
Umframt: Tummas.
Sonja og Jákup Pauli frá FuglArk.
Skrivari: Anna E. Joensen
Klokkan: 17:00-22:15
Mál nr.: 16-41-06
Reist av: Sjóvar kommunu
Viðgerð: Útstykking á Fríðufløtum
Avgerð: Samtykt at gera eitt grundstykki afturat á Fríðufløtum.
Samtykt at biðja eigaran av matr. nr. 87 selja kommununi stykkið fyri endan á vegnum.
Tekniska nevnd arbeiðir víðari við málinum.
Mál nr.: 541-5-2018
Reist av: Sjóvar kommunu
Viðgerð: Serstøk byggisamtykt fyri Fríðufløtur og Hálsatjørn
Avgerð: Samtykt at taka undir við uppskotinum um serstaka byggisamtykt, við hesi broyting í grein 5:
5. Øki til bilstøðlar:
5.1 Á hvørjum grundstykki skulu í minsta lagi vera trý parkeringspláss til bilar (umframt møguligt bilhús), og skal ávikavist umsóknin um byggiloyvi lýsa hesi viðurskifti eins og hesi eru fortreyt fyri at byggingin kann roknast sum liðug og klár at taka í nýtslu.
5.2 Eru fleiri búeindir á sama grundstykki, skulu í minsta lagi vera tvey parkeringspláss til bilar (umframt møguligt bilhús) fyri hvørja búeind, og skal ávikavist umsóknin um byggiloyvi lýsa hesi viðurskifti eins og hesi eru fortreyt fyri at byggingin kann roknast sum liðug og klár at taka í nýtslu.
Jákup Pauli og Sonja fóru av fundinum kl. 18:30
Mál nr.: 214-1-2018
Reist av: Sjóvar kommunu
Viðgerð: Lántøka til útstykkingar
Avgerð: Samtykt at taka undir við tilmælinum frá fíggjarnevndini. Umsitingin arbeiðir við málinum.
Mál nr.: 323-1-2018
Reist av: Sjóvar kommunu
Viðgerð: Skifta tak á bygdahúsinum
Avgerð: Samtykt við fimm atkvøðum fyri at taka av tilboði uppá eternit tak frá Norcon fyri kr. 1.371.110,00 við mvg.
Hesi atkvøddu fyri: Artur, Anfinn, Jákup, Súni og Pole.
Eingin atkvøða ímóti.
Steingrím og Lisa atkvøddu blankt.
Verður fíggjað við tøkum peningi. Víst verður til RS571.
Neyðugt verður við eykajáttan á kr. 600.000, vísandi til, at nóg nógvur peningur ikki er settur av á fíggjarætlanini fyri 2018.
Umsókn um eykajáttan verður løgd fyri fíggjarnevndina.
Viðmerking frá Steingrími og Lisu:
Grundin til, at vit ikki atkvøða fyri erternit taki, er, at eternit tak krevur meira viðlíkahald enn aluminiumstak, og royndir vísa, at viðlíkahald ikki hevur verið raðfest á verandi erternit tøkum á bygningum hjá kommununi.
Tummas fór av fundinum kl. 20:45
Mál nr.: 324-1-2018
Reist av: Camping
Viðgerð: Ábøtur á kampingøkinum
Avgerð: Arbeiða víðari við málinum.
Mál nr.: 328-4-2018
Reist av: Sjóvar kommunu
Viðgerð: Sitipláss við vøllin við bygdahúsið
Avgerð: Samtykt at gera sitipláss við vøllin, sambært uppskoti frá Steingrími. Verður fíggjað við tøkum peningi.
Mál nr.: 104-2-2018
Reist av: Sjóvar kommunu
Viðgerð: Heimasíða
Trivnaðarnevndin heldur, at tíðin er komin til at fáa nýtt búmerki.
Avgerð: Samtykt at skriva út búmerkjakapping. Umsitingin arbeiðir við málinum.